Венецуелскиот фудбалер Џанкарло Малдонадо постигна одличен гол во последните минути од натпреварот за Депортиво Тахира, со што го остави тренерот на противничката екипа, кој наедно му е татко, без пласман во плејофот.
Пред натпреварот од последното коло, екипата на Пуеро Кабелјо што од клупата ја води Карлос Малдонадо, држеше позиција што ја водеше во плејофот и до 93-тата минута кога водеше со 2:1 се чинеше дека пласманот е сигурен.
Но, голот на синот Малдонадо беше шах-мат потег за Пуеро Кабелјо и Џанкарло заплака од тага за елиминацијата на татковата екипа, додека неговите соиграчи скокаа од среќа.
Емоциите го совладаа, најмногу бидејќи со неговиот погодок не направи ништо во корист на својата екипа, а го исфрли татка си од пласман во плејофот.