Фудбалските лиги повторно пред прекин?

Филип Здравески
/ 22.04.2021 / 16:19

Откако Министерството за здравство донело одлука сите фудбалери да мора да направат тестирање пред секој натпревар, македонскиот фудбал повторно се соочува со колапс.

Нема веќе третолигашки фудбал: момент од натпреварот Детонит - Овче Поле од 3.МФЛ Исток; Фото: Радовиш Њуз

Министерството за здравство одлучило секој клуб кој сака да игра фудбал во земјава да мора своите играчи и членовите на стручниот штаб да ги тестира пред да излезе на терен. И тоа не со бесплатни тестови туку да ги плати од свој џеб. Токму поради тоа, сега на македонскиот фудбал му се заканува уште една прекината сезона, уште една пропадната сезона.

Фудбалската федерација на Македонија соопшти дека за претстојното коло, кое треба да се игра викендов, ќе ги покрие трошоците за тестирање за клубовите од првата лига и од двете второлигашки групи. Тоа значи дека фудбал ќе се игра.

Но, ќе се игра само во првите две лиги, а на неодредено време (засега) се прекинува сезоната во третите, општинските, младинските и женската лига. За нив пари за тестови нема, ниту од ФФМ, ниту од државата. Затоа, пак, за туристите кои ќе доаѓаат ќе има бесплатни тестови на државна сметка, односно со наши, народни пари. А за нашите фудбалери нема.

Соопштението на ФФМ вели дека ќе бидат обезбедени бесплатни тестови за претстојното коло, па останува непознато дали ФФМ ќе продолжи да ги плаќа тестовите и за наредните кола или само за ова викендов. Доколку од наредниот викенд прволигашите и второлигашите треба сами да плаќаат за тестови, голема е веројатноста дека сезоната и во овие лиги нема да продолжи.

Бројките на заразени во државава полека се намалуваат. Денес процентот на позитивни од вкупниот број на тестирани е 23,2%, вчера кога беше 21,8%, а завчера 24%. Надежда на фудбалерите, машки и женски, професионални и аматери, е дека бројките и натаму ќе се намалат па Министерството, кога веќе не сака да обезбеди бесплатни тестови, ќе ја укине оваа непопуларна мерка.

Како што веќе бројни студии покажаа, фудбалската игра не е место каде вирусот се шири. Фудбалот се игра на отворено, точно е дека постои контакт помеѓу играчите, но тој е толку краткотраен што зараза е речиси невозможна. Местата каде може да дојде до зараза се соблекувалните, тунелите, подтрибинскиот простор и автобусите за превоз. Нормално, доколку таму не се почитуваат мерките за носење заштитна маска и држење дистанца. Ова сега изгледа само како очаен обид на Министерството да прикаже дека нешто прави, нешто презема, а данокот ќе го платат фудбалерите кои спортуваат, и тоа на отворено.

реклама

Интересот за вакцинација се зголемува, вчера вакцинирани 14.976 граѓани

Read more

Ескалираа судирите меѓу Израел и Хамас, најмалку 40 мртви

Read more

Кладилничарски идиот на денот

Read more

Во тек потрага по 39-годишниот Александар Черговски од Берово

Read more

Фудбал

Сепак крај на сезоната за Ибра, но се враќа за ЕУРО

Read more

Пех за Холандија: Ван Дајк сам се повлече од ЕУРО

Read more

Куман: Не е својствено за Барсa да прими три гола во едно полувреме

Read more

Солскјер му ја честиташе шампионската титула на Манчестер Сити

Read more
 

Спорт

Сепак крај на сезоната за Ибра, но се враќа за ЕУРО

Читај повеќе

Гечевски: Наша чест и обврска е да се запамети името на Буштур

Читај повеќе

Пех за Холандија: Ван Дајк сам се повлече од ЕУРО

Читај повеќе
  • play_arrow

Куман: Не е својствено за Барсa да прими три гола во едно полувреме

Читај повеќе
  • play_arrow

Солскјер му ја честиташе шампионската титула на Манчестер Сити

Читај повеќе

Франција не го сака, Лапорт ќе игра за Шпанија на ЕУРО

Читај повеќе
  • play_arrow

Најголемите рекордери во историјата на Лигата на шампиони

Читај повеќе

Пиоли: Милан сѐ уште ништо нема постигнато

Читај повеќе

Борба сепак ќе има: Потврден боксерскиот спектакл Фјури – Џошуа

Читај повеќе