Тимот на Фулам синоќа по продолженија славеше во финалниот бараж против градскиот ривал Брентфорд и избори експресно враќање во Премиерлигата по една сезона пауза.
Откако 90 минути во тврда и изедначена игра мрежите на „Вембли“ мируваа, Брентфорд и Фулам натпреварот го однесоа во продолженија од двапати по 15 минути.
Токму на истекот на првото продолжение Фулам го отвори резултатот со гол од слободен удар на Џо Брајан кој ја искористи лошата поставеност на голманот Давид Раја и од голема далечина ја смести топката во мрежата.
Потоа во 117. минута истиот играч се најде во улога на напаѓач и на асистенција на Александар Митровиќ погоди за 2:0 и печат на победата на Фулам. Интересно, Брајан е централен дефанзивец кој сезонава ги одигра сите 46 натпревари во лигата на кои постигна 3 гола, а ги одигра и трите баражи каде овие два гола му се единствените.
Во судиското надополнување Данецот Хенрик Далсгорд намали на 2:1, но веќе беше прекансо за Брентфорд да се врати во игра.
Фулам се враќа во Премиер лигата по само една сезона откако во 2018/19 испадна. За разлика од нив, Бентфорд пропушти историска шанса да се врати во елитата каде нема играно од далечната 1946/47. Згора на тоа, овој пораз уште повеќе боли бидејќи Фулам и Брентфорд се лути градски ривали, двата тима се од главниот град Лондон.
