Домаќините на овогодинешниот избор за песна на Евровизија во Торино - Алесандро Кателан, италијанската пејачка Лаура Паузини и Мика ги придружуваа натпреварувачите до самиот крај на првата полуфинална вечер.
Голем впечаток остави стилот на италијанската пејачка Лаура.
За време на првата вечер на Евровизија, таа смени три фустани на модниот дизајнер Пјер Паоло Пичоли и креативен директор на Valentino. Како што истакна Пјер за италијанскиот Vogue, сите три креации се направени за Лаура и секоја на свој начин го отсликува нејзиниот дух.
„Ми се допадна таа света идеја. Тоа е почит на ренесансата и хедонистичкиот дух на Лаура“, ги опиша модниот дизајнер за своите креации.
Иако станува збор за висока мода на куќата Valentino, чии свети начини на создавање не се доведуваат во прашање, не можеме а да не забележиме дека нешто во синоќешниот изглед на Лаура беше дискутабилно.
Пред сè, треба да се напомене дека сите три креации имаат едно нешто заедничко – розовата боја. Исти по боја, но различни по крој,а најголем впечаток остави третиот фустан кој корисниците на социјалните мрежи веднаш почнаа да го коментираат.
„Одвоени при раѓање“, гласеше еден коментар објавен со фотографија на цртан лик.
Освен водителката, за розова комбинација се одлучија и дел од евровизиските натпреварувачи. Така, претставничката на Хрватска облече долг розов фустан кој ја открива едната нога. Својот изглед го надополни со црни, длабоки чизми кои беа во контраст со нејзиниот елегантен фустан.
Од друга страна, имавме и светлорозови варијанти кои се попримамливи за окото. Така, претставничката на Албанија за својот настап носеше нежно розова комбинација со сребрен долен дел.