Елиф Елмас во 2019 година од Фенербахче се пресели во Наполи, а сега би можел да се врати во Истанбул, но во редовите на ривалот Галатасарај.
Елмас минатата зима од Наполи замина во Лајпциг. Во пролетниот дел од сезоната не доби многу простор од Марко Розе, а во новата сезона, во првите две кола во Бундеслигата не одигра ниту една минута.
Галатасарај сака да го позајми Елмас оваа сезона.
Прашање е како ќе се одвива сето ова бидејќи има малку простор за маневар. Преодниот рок во Турција завршува утре на полноќ.
Преселбата во Галатасарај можеби би била добар потег за македонскиот репрезентативец, оти неиграњето во Лајпциг се одразува врз неговата форма, што се виде на септемвриските натпревари на Македонија против Фарски Острови и Ерменија.
