Галатасарај во холивудски стил го претстави еден од најскапите напаѓачи во светот

Во Галатасарај официјално се пресели Виктор Осимхен, кој денеска се огласи по комплетирањето на потписот на нигериската ѕвезда, која вчера како божество беше пречекана од навивачите на клубот од Истанбул.

„Постигнат е договор со професионалниот фудбалер Виктор Џејмс Осимхен и неговиот клуб Наполи за бесплатен привремен трансфер на играчот. Играчот ќе биде платен 6 милиони евра за сезоната 2024/2025. Со почит ѝ пренесуваме на јавноста“, објави Галатасарај.

Најлудиот трансфер летово заврши со пригодно видео во кое Осимхен се појавува на бал под маски носејќи ја својата карактеристична заштитна маска за лице, за да ја симне и на тој начин да ги воодушеви сите присутни.

Да потсетиме, Осимхен заврши во турската лига затоа што Наполи постави цена од 130 милиони евра, која ниту еден европски клуб не сакаше да ја плати, а Нигериецот беше решен да го напушти клубот.

Саудискиот клуб Ал Ахли речиси успеа да го комплетира трансферот, но преговорите пропаднаа во последен момент, а понудата на Челси не беше доволно финансиски дарежлива за Осимхен.

Нигериецот на крајот заврши во Галатасарај на позајмица до крајот на тековнава сезона.