Веќе неколку недели беше актуелна најавата на Samsung дека конечно ќе го претстави новиот телефон со екран кој се превиткува, а вчера тоа конечно се случи. Од компанијата оваа технологија ја нарекоа Infinity Flex Display.
Самиот телефон, наречен Galaxy F, е со големина на таблет кој се превиткува на половина и може да го собере во џеб.
Кога дојде моментот да се претстави новиот уред, маркетинг директорот за мобилните уреди на Samsung, Џастин Денисон, во пригушена светлина го претстави Galaxy F, со цел да не ги открие сите детали за уредот одеднаш. Новиот уред има голем дисплеј од 7,3 инчи, но внатрешноста на уредот крие телефон со екран кој се превиткува и благодарение на технолошките иновации може да се свитка во големина на класичен смартфон.
Екранот на Galaxy F се превиткува по средината, што овозможува лесно превиткување на флексибилниот уред на Samsung. На екранот на овој уред можат истовремено да бидат отворени три апликации.
Samsung работеше на овој проект заедно со компанијата Google, a екранот кој може да се превиткува во иднина ќе биде вграден во сите уреди од производната линија на Galaxy.
Денисон најави дека технологијата наречена Infinity Flex, која му дозволува на екранот да се превиткува, ќе влезе во сериско производство веќе во наредните неколку месеци. Меѓутоа, Samsung не е единствената компанија која работи на смартфони кои се виткаат. Huawei, Lenovo, Xiaomi и Microsoft исто така работат на нивни верзии со слична технологија.