Во тек со трендовите, компанијата Samsung го претстави нивниот прв модел кој користи Android Go оперативен систем. Далеку поевтин од сите останати модели на Samsung, Galaxy J2 Core е наменет за помалку развиени пазари и користи „олеснети“ верзии на Android апликациите.
Како што веќе знаете, Android Go е значително поедноставна верзија на оперативниот систем на Google и користи апликации кои се помали, базични и наменети за телефони кои имаат многу ограничени спецификации.
Galaxy J2 Core е првиот модел на Samsung со Android Go и тој е оптимизиран за пазари кои не можат да си дозволат користење на скапи телефони со врвни спецификации. Целосната оптимизација на Android Go со помалку развиените пазари го прави овој смартфон идеален за продажба во земјите од третиот свет.
Оперативниот систем на овој телефон е базиран на Android 8.1 Oreo, а не на најновата верзија Android 9 Pie. Тој и понатаму ќе го има интерфејсот на Samsung.
Samsung Galaxy J2 Core поседува LCD екран со резолуција 960 х 540 пиксели, Exynos 7570 процесор, батерија од 2.600 mAh, задна камера од 8 и предна од 5 мегапиксели, како и 1GB RAM и 8GB внатрешна меморија.
Овој смартфон е веќе на продажба на индискиот и малезискиот пазар и чини околу 100 американски долари.