Поранешниот потпретседател на фудбалскиот клуб Милан, Адријано Галијани, го нарече судијата Мајкл Оливер идиот, поради пеналот кој го досуди за Реал Мадрид против Јувентус во рамките на полуфиналето од Лигата на шампионите.
„Јуве заслужи да го победи Реал. Пеналот беше дискутабилен, а црвениот картон за Буфон смешен. Судијата покажа дека не ја разбира фудбалската псхилогија. Да заклучиме, судијата е идиот“, изјави Галијани за италијанските медиуми.
Галијани, исто така, изјави дека во полуфиналето од Лигата на шампионите ќе навива за Рома, во двомечот против англискиот великан Ливерпул.
„Ќе го гледам натпреварот и ќе навивам за Рома. Можете да замислите колку го сакам Ливерпул после финалето од Лигата на шампионите во Истанбул. Не спиев три месеци. Тоа никогаш не му се случило на ниту еден тим“, изјави Галијани.