Снимањето на популарната ТВ-серија „Game of Thrones“ во Дубровник имаше исклучително позитивно влијание врз туризмот. Само поради снимањето на серијата, округот Дубровник-Неретва во периодот од 2012 до 2015 година го посетиле 244.415 туристи, кои потрошиле вкупно 126 милиони евра.
Ова го покажува истражувањето на Марина Ткалец, Иван Жилиќ и Ведран Рецхер од економскиот институт од Загреб, кои во магазинот „International Journal of Tourism Research“ го објавија трудот „Ефектите на филмската индустрија врз туризмот: Game of Thrones и Дубровник“, во кој го оценуваат влијанието на снимањето на серијата врз туристичките резултати.
„Game of Thrones“ почна да се снима во Дубровник во 2011 година, во текот на втората сезона. Притоа, Дубровник бил избран како локација за Кингс Лендинг, измислениот главен град на седумте кралства кој често се појавува во серијата.
Богатото и извонредно сочувано културно и архитектонско наследство во Дубровник совршено се вклопи во средновековниот контекст на серијата. Овие снимки оставиле силен впечаток врз гледачите на серијата, зголемувајќи го глобалното признавање на Дубровник и стимулирајќи ја побарувачката за туристички посети во градот.
