Фудбалерите на Наполи синоќа ја пропуштија шансата да се пласираат во Лигата на шампионите, а цената ја плати тренерот Џенаро Гатузо.
Шефот на Наполи, Аурелио де Лаурентис на Twitter потврди дека решил да го отпушти Гатузо по синоќешното реми против Верона (1:1).
Наполи имаше сè во свои раце во последното коло. Му требаше победа за да игра следната сезона во Лигата на шампионите, но Верона, на која играта не ѝ значеше ништо резултатски, успеа да освои бод и на крај од тој натпревар најмногу искористи Јувентус, кој ќе игра на елитното европско клупско натпреварување.
„Драг Рино, многу сум среќен што поминав скоро две сезони со тебе. Благодарен сум за твојата работа и ти посакувам среќа каде и да одиш. Испраќам прегратки до сопругата и децата“, напиша Де Лаурентис.