Милан донесе шест засилувања во летниот преоден рок, а најзвучно име меѓу новите играчи е Гонзало Игуаин од ривалот Јувентус.
Италијанскиот клуб ги донесе и Хрватите Иван Стриниќ и Ален Халиловиќ, а веќе го има Никола Калиниќ.
Легендарниот тренер на Милан Џенаро Гатузо смета дека играчите тешко можат да одбијат понуда од неговиот клуб.
„Кога разговарам со играчите имам впечаток дека поради историјата на Милан тешко може да кажат ‘не’. Сите сакаат да дојдат во Милан, никој не сака да каже ‘не’“, иззјави Гатузо.
Италијанецот ги искоментира и двете нови засилувања.
„Со играчи како (Матија) Калдара и Игуаин, како и со младите играчи кои ги имаме и квалитетот со кој располагаме, веруваме дека ќе направиме чекор напред следната сезона.“
Тој призна дека Артуро Видал бил блиску до преминување во Милан, но сепак потпишал за Барселона.
„Кој не го сака Видал? Сите знаеме каков играч е. Се сеќавам кога играв против него, беше вистински воин“, рече Гатузо.