Џек Ма, еден од основачите на кинескиот технолошки гигант „Alibaba“, денеска изјави дека светот треба да се подготви за 20-годишна трговска војна меѓу Кина и САД.
„Економската ситуација не е добра и тоа би можело да потрае многу долго време“ рече Ма на Светскиот економски форум во Тијанѓин.
Тој предупреди дека трговската војна меѓу двете најсилни светски стопанства би можело да трае со децении и дека Кина би требало да се фокусира на извоз преку „новиот пат на свилата“ што оди до Африка, Југоисточна Азија и Европа.
„Alibaba“ не може повеќе да го исполни ветувањето дека ќе вработи еден милион луѓе во САД поради актуелните трговски тензии, додаде Ма.
САД воведоа нов пакет царини за кинеската стока во вредност од 200 милијарди долари, а Кина реагираше со царинење на американска стока во вредност од 60 милијарди долари.