Ако Меси сака повторно да игра заедно со Луис Суарес, тој е добредојден во мадридски Атлетико.
Претседателот на Арлетико, Енрике Сересо, го искористи слоганот на шпанската компанија El Almendro за производство на слатки за да го повика Меси.
„Ако Лео Меси дака да игра со Луис Суарес, можам да му го порачам истото што го велат на El Almendro: 'Дојси си дома за Божик'. Кога се има желба сѐ е можно“, рече тој во изјава за Cadena Cope.
Дали тоа значи дека Сересо го очекува Меси уште во зимскиот преоден рок? Тешко веројатно, но, ќе видиме.
Суарес во неделата дебитираше за мадридски Атлетико во победата од 6:1 над Гранада. Уругваецот влезе од клупата и постигна два гола плус асистенција.
Меси и Суарес во Барса играа зеадно од 2014 кога Уругваецот пристигна од Ливерпул и сѐ до летово.
