Двајца геј пингвини во зоолошка градина во Данска докажаа дека родителството е вроден инстинкт независно од сексуалната определба.
Истополовата двојка пингвини наводно забележале дека бебето пингвин е запоставено од неговите биолошки родители и додека мајката се капела, а таткото не внимавал на бебето, геј пингвините го грабнале пилето.
„Забележав дека нешто не е во ред“, вели Сенди Хадегард Мунк, една од негувателките во зоолошката градина, откако ги прегледала снимките од безбедносните камери во живелиштето на пингвините.
„Родителите не беа тука и малечкото беше киднапирано. Двајца геј мажјаци го забележаа пингвинчето дека е само и го зедоа со себе и потоа стоеја околу него.“
Според Мунк, само мајката забележала дека ѝ го нема младенчето и почнала да го бара, додека таткото воопшто не бил потресен. Кога го нашла кај геј двојката ги нападнала двајцата пингвини и негувателите интервенирале и ѝ го вратиле на мајката.
Подоцна на геј двојката пингвини им било дадено јајце од мајка која не била во состојба да го исквачи и да се грижи за малечкото.
