Во интервју за ZDNet, коосновачот на Microsoft, Бил Гејтс, изјави дека жали поради една мала работа и дека доколку би имал временска машина, би се вратил во времето само за да ја исправи CTRL + ALT + DEL командата.
Според зборовите на Гејтс, оваа кратенка би требало да биде поинаква и би се вратил во минатото само за да ја направи да биде на едно копче на тастатурата, а не со комбинација на три копчиња како што отсекогаш ја знаеме.
Гејтс уште еднаш даде осврт на грешката на инженерот Дејвид Бредли, кој поради тогашните тастатури ја направил оваа комбинација од копчиња, наместо едно копче. за време на една панел дискусија одржана во 2011 година, Дејвид Бредли изјави дека смета дека тој е изумителот на комбинацијата CTRL + ALT + DEL, но дека Гејтс ја направил позната логирајќи се со нејзина помош на Windows NT.
Тоа што веќе го знаеме е дека повеќето корисници во минатото, но и денес, ја користат CTRL + ALT + DEL за рестартирање на компјутерот или исклучување програми од Task Manager.
