Компанијата OpenAi во февруари објави дека нејзиниот ChatGPT добива мемориска функција, која му овозможува да „се сеќава“ на претходните разговори со корисникот, а сега Google воведе нешто многу слично за Gemini.
Корисниците сега можат да побараат од Gemini да се сети на нивните интереси и преференции, што ќе му помогне на четботот да понуди „уште покорисни и релевантни одговори прилагодени на потребите на корисникот“, велат од Google.
Сега корисниците можат да споделуваат работи што сакаат Gemini да ги памети, или преку природен разговор или преку посебна страница зачувани информации, каде што секогаш можат да прегледуваат, уредуваат и отстрануваат сѐ што е споделено со Gemini. Исто така, Gemini ќе го извести корисникот кога ќе ги користи неговите зачувани податоци.
Оваа функција во моментов е достапна на англиски јазик со Gemini Advanced како дел од планот на Google One AI Premium. Доколку корисникот избере да ја користи оваа функција, Google ветува дека ќе добие „поконзистентни и предвидливи резултати без повторување на истите резултати“.
