Дејан Георгиевски ѝ донесе на Македонија сребро откако во финалето со 15:9 загуби од одличниот руски теквондист Владислав Ларин.
По првата рудна Русинот замина со водство од 2:0 со еден удар и еден казнен поен за нашиот олимпиец.
Во втората рунда Георгиевски веднаш се врати во игра со удар со нога, но потоа и Русинот продолжи да удира. Во финалната рунда се замина со водство на Ларин од 9:7.
Удар во главата на македонскиот теквондист ја реши третата рунда, кога Ларин направи недостижна разлика, а потоа истата ја зголеми не дозволувајќи му на Георгиевски да се приближи до златото.
Иако Македонецот ја загуби последната борба, ова е сепак огромен успех за македонскиот спорт, бидејќи е прво сребро по независноста на Македонија. Георгиевски не дојде до златото, но дома со враќа со сребро кое тежи колку и златото.
Дејан ве впиша на листата на македонски олимпијци кои освојувале медали. Неговиот медал е тринаесетти, но само втор после независноста бидејќи останатите 11 се освоени во рамки на Југославија.
На патот до финалето Георгиевски почна со победа над светскиот шампион Рафаел Алба од Куба (11:8), потоа во четвртфиналето го совлада Сејду Гбане од Брегот на Слоновата Коска (9:4), за потоа преку Ин Кјо-дон од Јужна Кореја (12:6) да стигне до големото финале.
