Кристијано Роналдо од почетокот на својата фудбалска кариера важи за голем љубител на скапи автомобили, а во серијата на Netflix „I Am Georgina“ неговата сопруга ја покажа внатрешноста на гаражата во која се наоѓаат „чудовиштата“ вредни 17 милиони фунти.
Документарната серија за Георгина Родригес, сопругата на еден од најдобрите фудбалери кои светот ги видел, неодамна стана популарна на платформата Netflix.
Георгина во филмот откри многу интересни работи од нејзиниот приватен живот, а во една од епизодите ја покажа внатрешноста на скапата гаража на португалскиот фудбалер. Има автомобили во вкупна вредност од 17 милиони фунти.
Една сцена од филмот е снимена во гаражата, а гледачите ги привлекуваше сѐ што го краси овој објект во Мадрид. Станува збор за една од вкупно трите гаражи во сопственост на португалскиот фудбалер.
Одблиску се гледа неговиот најскап автомобил Bugatti Chiron, вреден 2 милиони фунти. Исто така, тука е и McLaren Senna направен во чест на легендарниот Формула 1 возач, но и Ferrari 599 GTO вреден 750.000 фунти.
Во продолжението подолу е прикажан Rolls Royce Cullinan вреден 300.000 фунти, како и Rolls Royce Phantom (500.000 фунти).
Од другата страна на видеото се Bugatti Veyron (1,5 милиони фунти), белиот Mercedes-Benz S65 AMG (200.000), портокаловиот McLaren MP4-12C (220.000), Lamborghini Aventador (270.000) и Merc G-Wagon Брабус (600.000) кој го добил на подарок од Георгина.
