Фудбалските фанови во Германија, навивачите на германската репрезентација, сѐ уште не ја преболеле елиминацијата во четвртфиналето на ЕУРО 2024 и, како што стојат работите, веројатно нема да ја имаат ни во блиска иднина.
Три дена по мечот во Штутгарт и само еден ден пред со нетрпение очекуваното полуфинале во Минхен, десетици илјади Германци сѐ уште ја потпишуваат петицијата со која бараат преигрување на натпреварот Шпанија - Германија.
„Незадоволните германски навивачи бараат преигрување бидејќи веруваат дека на нивната репрезентација ѝ е направена неправда. Дури 350.000 луѓе потпишаа петиција за повторување на натпреварот“, пишува SportBible.
Причина е пеналот што англискиот судија Ентони Тејлор не го досуди во второто продолжение, кога Марк Кукуреља со рака го запре опасниот удар на Џамал Мусиала и на тој начин спречи потенцијален гол со кој домаќините ќе се пласираа меѓу најдобрите четири и дуел со Французите во вторник од 21:00 часот.
Селекторот на Германија, Јулиан Нагелсман, веднаш по натпреварот, кој на другата страна го реши голот на Микел Мерино во 119. минута, побара да се смени спорното правило, но додаде дека не се чувствува измамен.
