Електричната Honda ја освои титулата „Автомобил на годината за 2021 во Германија“.
Honda на овој начин стана прво возило на кој било јапонски бренд што успеало да ги освои пребирливите Германци. Автомобилот исто така победи и во категоријата „Нова енергија“.
Overall Winner: Honda E
Compact: Volkswagen Golf
Premium: Volkswagen ID.3
Luxury: Polestar 2
New Energy: Honda E
Performance: Bmw Alpina B3
Наградите ги доделува жири-комисија составена од водечки германски новинари кои ја следат автомобилската индустрија. Ова тело ги тестира и проценува најновите автомобили, рангирајќи ги според нивната употребливост, возните карактеристики, релевантност на пазарот и нивото на иновативност.
„Голема чест е што Honda е првиот јапонски автомобил добитник на наградата Автомобил на годината во Германија и ние сме неверојатно горди што ја добивме“, рече Кацухиса Окуда, претседател и извршен директор на Honda Motor Europe.
Моделот Honda е беше лансиран на почетокот на оваа година и е важен модел во мисијата на Honda за целосно електрифицирање на нејзините главни модели до 2022 година. Клиентите можат да изберат еден од двата понудени електрични мотори.
Основната верзија има 136 КС (100 kW) и 315 Nm максимален вртежен момент, што е доволно за автомобилот да забрза од 0 до 100 км/ч за 9 секунди. Помоќната варијанта, која ја носи ознаката Honda e Advance, има електричен агрегат од 154 КС (113 kW) и исто така 315 Nm, а потребни ѝ се 8,3 секунди за да достигне 100 км/ч.Максималната брзина на обете верзии е електронски ограничена на 145 км/ч.
За складирање на електрична енергија се користат литиум-јонски батерии од 35,5 kWh, кои според стандардот за мерење WLTP и со 16-инчни алуминиумски фелни, обезбедуваат автономија на возење од најмногу 222 км. Во случај на опционални 17-инчни тркала, достапни во Honda e Advance, автономијата е нешто помала и изнесува 210 км.
Од Honda велат дека се потребни 30 минути за полнење на батериите до 80% капацитет на брз полнач (100 kW CCS2). За да може автомобилот целосно да се наполни на јавен полнач (4 kW), потребно е да биде поврзан 4,1 час, додека за полнење на домашен полнач (2,3 kW) потребно е да почекате дури 18,8 часа.
Кога станува збор за тежината, како и другите електрични автомобили, и Honda „плаќа данок“ поради тешки батерии - тежината на возилото е 1.514 кг.
Кабината за патници има место за 4 возрасни лица, но багажникот има релативно скромен капацитет од 171 литар. Со спуштени задни седишта, се зголемува на 571 литар (измерено до прозорецот), или 861 литар (мерено до покривот).
