Намаленото снабдување со руски гас може лошо да влијае на индустријата за хартија, пишуваат германските медиуми.
Германија може да се соочи со недостиг на основни производи како тоалетна хартија и картон доколку се намали снабдувањето со рускиот гас во наредните месеци, објави денеска германски Zeit Online.
Фабрики за хартија може да станат непрофитабилни ако бидат принудени да произведуваат со намален капацитет поради недостиг на гас, публикацијата го цитира предупредувањето Јирген Шалер, претседател на Одборот на Баварските асоцијации за хартија.
„За производство на хартија е потребно многу вода, струја и гас“, објасни Шалер, додавајќи дека „технологијата е испробана и не може брзо да се промени“.
„Многу вработени во мојата компанија веќе се многу загрижени. Не можам да ги обвинам. Затоа што ако можеме да произведеме само 50 или 60%, операцијата не ни вреди. Да бидам искрен, и јас се грижам“, вели Шалер за Zeit Online.
Германија и ЕУ како целина неодамна забележаа намалување на испораките на природен гас од Русија, што доведе до бројни предупредувања за можни индустриски затворања. Гасоводот Северен тек 1 моментално работи со капацитет од 20% поради технички проблеми со турбините на компресорската станица Портоваја. Газпром не може да користи друга транзитна рута, преку Украина, со полн капацитет бидејќи, според рускиот енергетски гигант, украинската транспортна мрежа за гас ги одбива нејзините барања за транзит.
