Германската Влада не ја постигна планираната цел 80% од населението да прими барем една доза од вакцината против коронавирусот до крајот на јануари, покажуваат официјалните податоци објавени денеска – 75,8% од 83 милиони луѓе примиле најмалку една доза вакцина, 74% биле целосно вакцинирани, а 52,8% добиле засилувачка доза.
Владиниот портпарол Штефен Зајберт на прес-конференцијата изјави дека целта не е исполнета, но дека стапката на вакцинација е „значително подобра од претходно, но не и 80%“.
Тој додаде дека дури и повеќе од еден милион луѓе секојдневно се вакцинирале во декември, но темпото забавило во текот на Божик и не се променило толку колку што се надевале официјалните лица. Минатата недела во просек биле вакцинирани 351.000 луѓе.
Бројот на оние кои примиле трета доза драстично се зголеми, додека уделот на населението што ја прими првата вакцина против COVID-19 е зголемен во последните недели.
Пред една недела, канцеларот Олаф Шолц и 16 германски гувернери одлучија да ги задржат рестриктивните мерки соочени со растечката зараза.
