Продолжениот економски раст наредната година ќе ја зголеми потребата за нова работна сила во Германија. Германските компании, според анкетите, ќе имаат потреба од речиси половина милион нови работници.
Најмалку 450.000 работници бараат германските компании, покажува најновата анкета на Здружението на германската комора за индустрија и трговија, а најголема потреба за работници има здравствениот сектор, секторот за нега и образование, додека дополнителни 100.000 работни места се бараат во малопродажба и угостителство, а во индустријата дополнителни 50.000.
„Пазарот на трудот продолжува во позитивна насока. Единствен голем ризик за компаниите е дефицитот на квалификуван персонал што води до зголемена побарувачка за овие професии” изјави генералниот директор на комората Мартин Ванслебен.
Поради високата побарувачка не персонал, трговските и индустриските комори на Германија ќе се насочат кон поголемо интегрирање на бегалците преку едуцирање и обука на занаети. Се најавуваат дополнителни 15 милиони евра за интегрирање на веќе потрошените 20 милиони евра.
Германија е доста популарна меѓу Македонците, само оваа година околу 3.600 Македонци добиле работа во оваа земја.