Расположението во германската автомобилска индустрија значително се влоши во јули, се вели во извештајот на Институтот за економски истражувања IFO од Минхен.
Показателот што го мери деловното расположение во германската автомобилска индустрија падна во јули од -9,5 поени во јуни на -18,3 поени, се вели во извештајот.
„Германската автомобилска индустрија сè повеќе и повеќе запаѓа во криза“, коментира Анита Волф, експерт за индустрија во IFO, за најновото истражување. Компаниите се помалку задоволни од тековното работење отколку во јуни и истовремено покажуваат поголем песимизам за развој на бизнисот во блиска иднина.
Вредноста на показателот што ја оценува моменталната деловна состојба падна за 10 поени, од јунските 3,2 поени на -6,8 поени, додека вредноста на индексот што ги мери очекувањата за следните шест месеци од минус 21,3 поени падна на минус 29,1 поени.
Искористеноста на капацитетите во германската автомобилска индустрија падна на 77,7 отсто, што е девет отсто под долгорочниот просек. Компаниите се жалат на недостиг на нарачки - дури 43,1 отсто од компаниите пријавиле недостаток.
„Ситуацијата веројатно нема значително да се подобри во наредните месеци“, додава Волф.
