Во Русија ќе се појави модификација на едно од најјаките оружја, ракетниот лансирен систем TOS-1, пишува германски „Штерн“.
Весникот објави дека во Русија се прави модификација на TOS-2 што ќе биде монтирана на платформата „Армата“. Покрај тоа, се планира и лансирање на систем тенкови на тркала, најверојатно на унифицираната борбена платформа „Бумеранг“, а првиот прототип наводно веќе е во производство.
Исто така се истакнува дека лансерот нема свој пандан во странство и дека само владините трупи во Сирија го користат системот TOS-1.
Системот има 30 цевки од кои се испалуваат ракети со термобарични боеви глави. При гаѓање на мета тие прават ефект на „аеросолна бомба“ со колосален експлозивен бран, при што по рпвиот бран се формира вакуум.
Од ваквиот ефект нема спас ни во подземни утврдувања како бункери. Ваквото „пеколно оружје“ може да чисти и мински полиња.
„Штерн“ додава дека новиот систем ќе почне да се употребува некаде од 2018 до 2025 година.