Експертите обично се фокусираат на видот на храната што можете да ја јадете за да го подобрите вашето здравје, но брзината со која јадете е исто толку важна, особено ако дневните оброци ги консумирате за 20 минути или помалку.
Ако сте личност која може редовно да појадува, руча или вечера за помалку од 20 до 30 минути, јадете премногу брзо.
„Потребни се околу 20 минути за желудникот да комуницира со мозокот преку цела серија хормонски сигнали дека е полн“, вели Лесли Хајнберг, доктор на науки од Центарот за здраво однесување при Клиниката „Кливленд“.
Луѓето кои брзо јадат веројатно ќе проголтаат повеќе воздух што може да доведе до надуеност или варење. Неправилното џвакање на храната исто така може да го загрози варењето, што значи дека нема да ги добивате сите хранливи материи од храната. Неизџваканите парчиња храна исто така може да се заглават во хранопроводникот.
Некои претходни истражувања покажаа дека луѓето кои јадат брзо имаат најголем ризик од дебелеење, додека оние кои јадат најбавно имаат најмалку шанси да бидат дебели.
Како можете да забавите кога јадете? Хајнберг препорачува да го спуштите телефонот или да го исклучите телевизорот: „Кога правиме работи додека јадеме, јадеме помалку внимателно. И тоа често предизвикува да јадеме повеќе“.
Кога луѓето се фокусираат исклучиво на јадење, тие повеќе уживаат во оброкот, а јадат помалку.
Хајнберг, исто така, призна дека темпото со кое јадете често е вкоренета навика, но таа истакна дека промената е сè уште можна. Таа предлога совети како тоа да ја користите вашата недоминантна рака за да јадете, да пробате прибор што не можете да ги користите како стапчиња за јадење или намерно да паузирате за да пиете вода кога вашата чинија е делумно празна.
Ако водите брз и зафатен живот, можеби е неизбежно да треба да ручате на работен состанок или да јадете ужина додека извршувате обврски. Една од наједноставните работи за решавање на овој проблем е да го зголемите бројот на залаци што ги земате.
