Bungie најави дека играта Destiny 2 ќе добие експанзија инспирирана од универзумот на Star Wars, која ќе биде достапна во декември оваа година.
Иако Destiny отсекогаш имала класични „вселенски теми“ и борба меѓу светлината и темнината, многу фанови сметаа дека е само прашање на време кога ќе се случи ваква официјална соработка со франшизата Star Wars.
Новата експанзија, која ќе биде достапна како дел од годинешниот кросовер пакет, ќе донесе уникатни Star Wars украси за оклоп, оружје и други козметички додатоци за играчите. Bungie објави кратко тизер-видео во кое се гледа чувар со препознатливиот зелен светлосен меч, а во неколку сцени се појавуваат и алузии на Империјата и нејзините војници.
Најскапата опција за преднарачка на овој пакет ќе им овозможи на играчите да ги трансформираат своите чувари во ликови како Дарт Вејдер, Кајло Рен или генерал Гривус преку специјални украси за оклоп.
Повеќе детали за експанзијата ќе бидат објавени на 9 септември, а нејзиното официјално пристигнување се очекува во декември оваа година.
