Паметните уреди го менуваат нашиот секојдневен живот, но во исто време отвораат врата за сериозни сајбер закани.
Додека ја прилагодувате температурата преку апликација или проверувате кој ѕвони на вашата врата додека сте отсутни, можеби не знаете дека хакерите би можеле да ја користат вашата мрежа како портал до вашите податоци во тој момент.
Контролен центар за паметни уреди - уред што ги поврзува сите паметни системи во домот и овозможува нивна централна контрола - може да стане лесен плен за сајбер напади, предупредува Кју Ли, директор на Институтот за сајбер безбедност и приватност на Универзитетот „Џорџија“.
Иако сообраќајот помеѓу контролниот центар за паметни уреди и другите уреди е шифриран, хакерите сепак можат да ги следат домашните рутини и да утврдат кога нема никој дома, да го нападнат уредот со испраќање прекумерни податоци за да ги испразнат батериите во другите паметни уреди, а во некои случаи дури и да ги заобиколат паметните брави, пишува UK Finance.
Иако Ли истакнува дека производителите треба да сторат повеќе за да ги заштитат овие системи, еве што можете да направите веднаш:
- вклучете заштита на вашиот рутер;
- поставете силни, уникатни лозинки за секој уред во домот;
- редовно ажурирајте го софтверот на вашиот паметен уред;
- исклучете ги уредите што не ги користите или да ја ограничете ја нивната поврзаност.
