„Падна“ Facebook

Популарната социјална мрежа Facebook утрово беше недостапна за голем број корисници, а проблеми со пристапот и вчитувањето на страницата масовно се пријавуваат и низ цела Македонија.

Според првичните информации, техничките тешкотии првенствено влијаат на десктоп (компјутерската) верзија на оваа Meta платформа.

Корисниците кои се обидуваат да пристапат до мрежата добиваат следново известување:

„Сметката е привремено недостапна. Вашата сметка моментално е недостапна поради проблем со страницата. Очекуваме ова наскоро да се реши. Обидете се повторно за неколку минути.“

Дека станува збор за поширок проблем потврдува и специјализираната веб-страница DownDetector, која утрово околу девет часот забележа нагло зголемување на пријавите на корисниците под ознаката „Facebook down“.

Компанијата Meta сè уште официјално не ја објави причината за овој прекин.