Huawei претстави нов супертенок лаптоп, чија дебелина е еднаква на дебелината на многу паметни телефони.
Станува збор за моделот MateBook Fold, кој има OLED екран со дебелина од 7,3 мм кога е отворен, односно 14,9 мм кога е затворен.
За споредба, дебелината на лаптопот Lenovo ThinkPad X1 Fold е 8,6 мм кога е отворен и 17,4 мм кога е затворен, но за разлика од овој уред, MateBook Fold моментално е достапен само во Кина со цена од околу 3.300 долари.
MateBook Fold користи 18-инчен дисплеј, кој се преклопува под агол од 90 степени за да формира горен екран од 13 инчи, имитирајќи традиционален лаптоп, но со дигитална тастатура наместо физичка. Уредот тежи само 1,16 кг, користи OLED екран со резолуција од 3,3K (3.296x2.472 пиксели) и има максимална осветленост до 1.600 нити. Лаптопот доаѓа со до 32 GB RAM меморија и 2 TB внатрешна меморија.
Со овој лаптопна компјутер дебитираше оперативниот систем HarmonyOS 5 на Huawei. Huawei првично го лансираше HarmonyOS на Android, но оттогаш го донесе својот оперативен систем и на компјутерите откако го изгуби пристапот до Windows на Microsoft во март поради санкциите на САД. Овој оперативен систем е достапен и на новиот MateBook Pro.
