Google објави реклама за својот нов уред Pixel 10, која многумина ја протолкуваа како повик до вештачката интелигенција на Apple, бидејќи персонализираниот AI асистент никако да се појави.
Во рекламата за Pixel 10, нараторот вели дека луѓето кои чекаат „цела година“ за некоја нова функција едноставно треба да го сменат телефонот.
Да се вратиме една година назад - Apple објави нов, подобрен Siri со подобрувања на Apple Intelligence на WWDC 2024, но лансирањето на оваа функционалност беше одложено во март годинава.
Google очигледно го искористил одложувањето за да го промовира својот нов паметен телефон Pixel 10.
„Ако купите нов мобилен телефон затоа што нешто 'доаѓа наскоро', но 'доаѓа наскоро' веќе една година, треба да ја промените вашата дефиниција за зборот 'наскоро' - или едноставно можете да го промените телефонот“, се наведува во рекламата.
„Побарајте повеќе од вашиот уред“, вели Google со објавувањето на датумот 20 август.
Ниту една од двете компании не одговори на прашањето на Business Insider за кампањата.
Портпаролката на Apple, Жаклин Рој, во март изјави дека развојот на новите функции ќе трае подолго од очекуваното и дека се очекува да пристигнат во текот на следната година. Во меѓувреме, поднесена е тужба поради рекламирањето на AI функциите на iPhone 16.
Извршниот директор на компанијата, Тим Кук, минатата недела изјави дека персонализираната Siri „напредува“ и треба да пристигне следната година. Или „наскоро“.
