Откриен дизајнот на паметниот телефон Motorola Razr Fold

Недолго откако беше објавено дека Motorola работи на својот прв „во форма на книга“ телефон на преклопување кој ќе се вика Razr Fold, познатиот типстер од X, Еван Блас, објави рендери.

Како што може да се види на рендерите, паметниот телефон го позајмува дизајнерскиот јазик од претстојниот Signature, но добива шарка, екран на преклопување и надворешен дисплеј. Исто така, ќе поддржува употреба на пенкало, како Signature, претстојниот водечки паметен телефон на Motorola.

Се чини дека компанијата подготвува две бои за Razr Fold, црна и бела. Во Motorola одлучија да постават отвор за селфи камерата во аголот на екранот на преклопување.

Razr Fold се очекува подоцна годинава, а можно е датумот 23 април прикажан на екранот да го означува денот на лансирање. Според протечената презентација, Razr Fold ќе има „брилијантни дисплеи, напредна вештачка интелигенција и револуционерен систем на камери, поставувајќи нов стандард за она што е можно кај уред на преклопување“.