Вселенскиот телескоп James Webb на НАСА повторно ги надмина сите очекувања.
НАСА вчера објави спектакуларна слика од илјадници млади ѕвезди кои светат силно. Тоа е поглед од блискиот „ѕвезден расадник“ оддалечен 5.500 светлосни години од Земјата.
Покрај младите ѕвезди со различни големини и бои, сликата открива облак од прашина и гас во кој се раѓаат ѕвезди. Овој облак, наречен маглина Јастог, е толку огромен што се протега надвор од видното поле на камерата. Длабоко во него лежи јато од многу млади ѕвезди, наречено Писмис 24.
James Webb, најголемиот и најмоќниот телескоп некогаш испратен во вселената, беше лансиран во 2021 година. Потребни беа повеќе од пет часа за да се направи оваа слика. Тој го набљудува универзумот во инфрацрвена светлина, што му овозможува да продира низ космичката прашина и да сними сцени од раѓањето на ѕвездите.
Растојанието до маглината е 5.500 светлосни години, при што една светлосна година е околу 9,46 илјади милијарди километри.
No more hiding, I’ll be shining, like I’m born to be! 🎶
— NASA Webb Telescope (@NASAWebb) September 4, 2025
Webb captured newborn stars glowing in the infrared within clouds of dust and gas (colored golden and orange in this image) in a star-forming region called Pismis 24. https://t.co/Jnw5cbbiI0 pic.twitter.com/798B7EBXqe
