Во дигиталната ера, учтивоста кон вештачката интелигенција станува сѐ почеста. Многу корисници се почесто велат „ве молам“ и „благодарам“ кога комуницираат со чет-ботови со вештачка интелигенција, но сето ова на крајот чини многу.
На социјалната мрежа Х, корисник го постави прашањето: дали треба да им кажеме „Благодарам“ на ботовите што ги користиме? Ова прашање започна голема дискусија бидејќи секоја порака испратена до ботот бара одговор од него, што на крајот привлекува повеќе ресурси и ја зголемува сметката за струја.
Имено, иако љубезните прашања можат да го подобрат квалитетот на одговорите, во исто време предизвикуваат дополнителна потрошувачка на ресурси.
Сем Алтман, директорот на OpenAI, многу брзо одговори на ова прашање дека „десетици милиони долари се добро потрошени - никогаш не се знае“, криптички одговори Алтман, илустрирајќи ја реалната цена на дигиталната пристојност.
Технолошките гиганти како OpenAI и Microsoft потврдуваат дека подолгите човечки прашања трошат повеќе енергија бидејќи бараат посложена обработка на податоци.
Иако вештачката интелигенција не е свесна во човечка смисла, експертите истакнуваат дека таквата комуникација влијае на навиките на корисниците.
