Европската Унија денеска слави 70 години од своето препознатливо сино знаме со 12 ѕвезди, симбол кој од идеја родена во урнатините на повоениот континент прерасна во знак на единство, солидарност и европски вредности.
Европската Унија денеска (9 декември) ја одбележува 70-годишнината од своето знаме, симбол кој се роди на поделениот континент и низ децениите прерасна во знак на единство за милиони луѓе.
Тоа е познатото темносино знаме со 12 златни ѕвезди, на кое толку сме навикнати да го гледаме на банкноти и регистарски таблички, возачки дозволи, сообраќајни знаци, протести, музички натпревари и спортски настани што честопати веќе не го ни забележуваме. Стана дел од заедничкиот европски идентитет, симбол што ги надминува сите разлики на континентот.
Во 50-тите години, додека Европа сè уште беше опустошена од војна и остро поделена од комунизмот, Советот на Европа процени дека е потребен нов симбол што ќе ја претставува идејата за Европа и европското единство.
Беше објавен конкурс и беа примени десетици предлози од граѓани. Дури по долг процес беше избрана сега препознатливата комбинација од жолта и сина боја (некои од одбиените предлози може да се видат во галеријата под текстот).
Бројот на ѕвезди не го претставува бројот на членови. Во 1953 година, Советот на Европа имал 15 членови и бил даден предлог знамето да има по една ѕвезда за секој иден член и потоа да не се менува, без разлика на идните членови. Западна Германија била против ова, бидејќи еден од членовите била спорната област Сар и добивањето на своја ѕвезда би имплицирало суверенитет за регионот. Одлучено било да бидат 12, како симбол на заедништво, солидарност и хармонија на европските народи, додека кругот симболизира единство.
12 како број нема политичка конотација и е број што е симбол на совршеноста и целокупноста поради неговата присутност во европските култури и традиции како што се:
- 12 ѕвезди ја крунисуваат главата на Дева Марија во Книгата на Откровението, глава 12;
- 12 часа на часовникот;
- 12 месеци во годината;
- 12 хороскопски знаци;
- 12 апостоли на Исус Христос;
- 12 синови на Јаков;
- 12 Израилеви племиња;
- 12 библиски мали пророци;
- 12 унци во еден паунд од трој системот за тежина;
- 12 полутонови во една октава;
- 12 Божикни денови;
- 12 Цезари во летописите на Светониј;
- 12 олимписки богови;
- 12 подвизи на Херкул;
- 12 табели на Римското право;
- 12 книги на Изгубениот Рај и Енеида;
- 12 нијанси во тркалото на боите (во западната уметност).
Дизајнот е намерно едноставен, доволно за, како што истакнуваат вексилолозите, дури и дете да може да го нацрта, и е лесно препознатлив во секоја ситуација.
Советот на Европа го претстави знамето на 9 декември 1955 година.
Оттогаш, знамето стана еден од најпрепознатливите симболи на континентот, поврзан со фундаменталните вредности на европската соработка. Дури подоцна, во текот на 80-тите, знамето беше усвоено од организацијата што ќе прерасне во денешната Европска Унија.
Денес, европското знаме може да се види насекаде:
- пред градски собранија, владини згради и институции, тела и агенции на ЕУ, универзитети, градски плоштади и дипломатски мисии;
- низ цела ЕУ и пошироко како симбол на многуте проекти и иницијативи што ЕУ ги поддржува или помошта што ја обезбедува во случај на кризи или катастрофи;
- во пасоши и на банкноти;
- на меѓународни спортски настани како што се тенискиот турнир Лејвер куп, голф турнирот Рајдер куп, Лигата на шампионите на УЕФА;
- надвор од Европската Унија, каде што многумина го креваат поради она што го симболизира. Од Грузија до Западен Балкан, знамето храбро го носат многумина кои сакаат да ја доближат својата нација до европскиот проект.
Некои од одбиените предлози ги вклучуваат:
