Најмоќниот европски суперкомпјутер, Jupiter, ќе биде претставен денеска во Германија во научно-истражувачкиот центар во западногерманскиот град Јилих.
Компјутер наречен Jupiter, според DW, може да извршува еден квинтилион (18 нули) пресметки во секунда, што е споредливо со речиси милион паметни телефони.
Системот вреден 500 милиони евра, заеднички финансиран од Германија и Европската Унија, се наоѓа во Суперкомпјутерскиот центар во Јилих и е напојуван од 24.000 Nvidia чипови.
„Јупитер ќе биде најнапредниот и најразновиден систем со квинтилион капацитет во светот за високопрецизни симулации и обука на најголемите модели на вештачка интелигенција“, изјави Томас Липерт, раководител на центарот Јилих.
Истражувачите се надеваат дека Jupiter ќе ѝ помогне на Европа да го намали јазот во вештачката интелигенција, каде што заостанува зад САД и Кина. Системот, исто така, ќе поддржува долгорочни климатски прогнози, ќе симулира процеси во мозокот и енергетски иновации.
Jupiter е четвртиот најмоќен суперкомпјутер во светот. Првите три најмоќни се наоѓаат во САД и се способни да извршат повеќе од илјада квадрилиони пресметки во секунда.
