Историска мисија: Пејачката Кејти Пери со уште 5 жени одлета во вселената

Blue Origin денеска лансираше 6 жени во вселената во ракетата New Shepard, а ова е прв исклучиво женски екипаж кој полета во вселената.

Шестте жени кои полетаа во вселената се пејачката Кејти Пери, новинарката на CBS Mornings – Гејл Кинг, Лорен Санчес – свршеницата на Џеф Безос, филмската продуцентка Кариан Флин, поранешната ракетна научничка на НАСА, Ајша Боу, и активистката Аманда Нгуен.

Патувањето траеше 11 минути.

Мисијата ја организирала Лорен Санчес, пилот, новинарка и потпретседател на Bezos Earth Fund.

„Таа е почестена да води тим истражувачи во мисија што ќе предизвика нови перспективи на Земјата и чест ѝ е да ги инспирира генерациите што доаѓаат“, се вели во соопштението на Blue Origin.