Tinder воведува нова функција што им овозможува на корисниците да се сретнуваат и да организираат групни излегувања, во обид да привлече помлади корисници и да го запре падот на бројот на членови.
Функцијата Group Hangouts му овозможува на корисникот да избере активност, а потоа да покани најмалку двајца пријатели. Откако групата ќе има најмалку тројца членови, нејзиниот профил станува видлив за други групи, кои можат да го „лајкнат“.
Доколку барем еден член од секоја група возврати на интересот, групите се поврзуваат во заеднички разговор каде што можат да договорат средба.
Со овој потег, Tinder се обидува да го промени традиционалниот модел на апликации за запознавање, во кој корисниците првенствено разменуваат пораки и договараат состаноци „еден на еден“. Компанијата смета дека групното излегување може да понуди поопуштена алтернатива на класичниот состанок меѓу двајца поединци.
New dating app by former Tinder exec lets complete strangers play Cupid with your love life https://t.co/PdC8foGnRv pic.twitter.com/m3jAOOQEV2
— New York Post (@nypost) October 1, 2026
Новата функција постепено се воведува во САД и на одредени други пазари, со планови за проширување и во други земји.
Tinder ја воведува оваа нова стратегија во услови на пад на бројот на корисници. Во вториот квартал од 2026 година, компанијата остварила приход од приближно 457 милиони долари – што претставува пад од еден процент на годишно ниво – додека бројот на дневни активни корисници се намалил за четири проценти.
