Хакери се закануваат дека ќе објават речиси милијарда лозинки на корисници на TikTok

Хакерска група се заканува дека ќе ги објави украдените лозинки на речиси една милијарда корисници на TikTok.

Хакери, кои работат под името R00TK1T ISC CYBER TEAM, тврдат дека украле 972.000 лозинки на корисници на TikTok и се закануваат дека ќе ги објават јавно.

Причината за овој потег, како што тврди оваа хакерска група, е тоа што никој не одговорил на нивните обиди да контактираат со TikTok преку директни пораки.

„Ги предупредивме Bytedance и TikTok, но нивното молчење зборува многу. И покрај нашата јасна порака, тие ги игнорираа повиците на корисниците кои беа блокирани, суспендирани или избришани од платформата. Денес објавуваме примерок од 972 илјади корисници на TikTok“, велат хакерите во нивното соопштение.

Останува да се види дали овие тврдења од хакерите се точни, бидејќи тоа би значело масовни фишинг напади, преземање на кориснички сметки и кражба на идентитет во голем обем.

Безбедносната компанија Cybernews вели дека тврдењата на хакерите се отфрлаат. Тие истакнуваат дека тврдења од ваков тип повремено се појавуваат на сите платформи и иако звучат алармантно, обично се покажуваат како неточни по истрагата.

TikTok има повеќе од една милијарда корисници ширум светот, а портпарол на оваа компанија истакнува дека е можно базата на податоци со овие протечени податоци да се состои од информации од некои претходни напади, застарени или дури и измислени податоци.