Планетата го доживеа својот петти најтопол јануари досега и покрај студениот бран што ги погоди САД и Европа, соопшти во вторник климатскиот мониторинг на ЕУ.
Северната хемисфера беше погодена од силни студени бранови во последните недели од јануари, бидејќи поларниот млазен тек донесе леден воздух во Европа и Северна Америка, според податоците од службата за климатски промени Copernicus.
Сепак, температурите во месецот беа над просекот низ поголемиот дел од светот, вклучувајќи големи делови од Арктикот и западните делови на Северна Америка, според Copernicus.
„Јануари 2026 година беше силен потсетник дека климатскиот систем понекогаш може да донесе многу ладно време во еден регион и екстремна топлина во друг во исто време“, рече Саманта Брџес, менаџерка за климатска стратегија во Европскиот центар за среднорочни временски прогнози (ECMWF).
Просечната глобална температура во јануари беше 1,47°C над прединдустриските нивоа.
Европа го забележа својот најстуден јануари од 2010 година, со просечна температура од 2,34°C, соопшти агенцијата.
Во меѓувреме, Соединетите Американски Држави беа погодени од огромни зимски бури кои донесоа снег и мраз од Ново Мексико до Мејн. Се бурите се поврзуваат повеќе од 100 смртни случаи.
Планетата продолжува да доживува подолг период на затоплување предизвикано од човекот, при што 2024 година постави рекордно високо ниво, 2023 година втора најтопла, а 2025 година сега трета најтопла.
