Австралиската авиокомпанија Qantas претстави нов авион за кој вели дека е „подготвен да ја освои последната граница на патувањето на долги релации“, односно претставен е модел на авион способен да лета до 22 часа, кој ќе овозможи најдолги комерцијални летови, без никакви запирања.
Моделот Airbus A350-1000ULR е составен и ќе биде преместен во нов хангар каде што ќе му бидат поставени мотори и инструменти за тестирање, кое ќе се спроведе во 2026 година. Qantas сега ги објави првите фотографии од овој специјално конфигуриран авион додека сè уште беше на производствена линија во Тулуз.
Овој модел ќе може да го поврзе источниот брег на Австралија со Лондон и Њујорк, директно и без префрлања, што би се сметало за најдолги комерцијални летови. Покрај тоа, летовите на овие рути би биле за четири часа пократки од постојните рути за поврзување.
Our first @Airbus A350-1000ULR (Ultra Long Range) aircraft is now on the final assembly line in Toulouse! 😍
— Qantas (@Qantas) November 6, 2025
This marks a significant step in #ProjectSunrise, which will conquer the final frontier of long-haul travel with non-stop flights between Australia's east coast and… pic.twitter.com/VqxtRMBzUm
Толку долг лет, од дури 22 часа, беше овозможен со подобрени системи и дополнителен резервоар за гориво од 20.000 литри. Покрај тоа, кабината е целосно редизајнирана со помалку седишта (238 наместо типичните 300+), сè со цел удобност за патниците за време на долгите патувања.
Првиот од вкупно 12 нови авиони ќе биде испорачан кон крајот на 2026 година, а комерцијалните летови со овој авион треба да започнат во првата половина на 2027 година.
