Microsoft објави интересна и корисна статија за тоа со што би можело да се соочи системот на компјутерот на корисникот за време на надградбата од Windows 10 на Windows 11.
Microsoft наведува дека во такви случаи, обично се прикажува порака во форма на банер или скокачки прозорец со порака What needs your attention.
Компанијата вели дека постојат голем број причини зошто надградбата може да биде блокирана. Оваа порака најверојатно се појавува како дел од ажурирањето KB5001716, кое Microsoft тивко го инсталира на Windows компјутерите во редовни интервали. Најновата верзија беше објавена кон крајот на јуни, а овој пат имаше промена во начинот на кој работи - повеќе не се обидува насилно да инсталира нова надградба на функции.
Microsoft наведува:
Може да се појави порака What needs your attention при обид за надградба на Windows. Оваа порака може да укажува дека уредот има проблем со компатибилноста со понова верзија на Windows. Може да постои проблем со компатибилноста со следниве компоненти:
Драјвер.
Харвер.
Апликации.
Функционалност на Windows.
Овие проблеми со компатибилноста можат да доведат до неочекувано однесување на системот. Затоа, не се нуди надградба на Windows.
Добрата вест е дека Microsoft објави текст за поддршка во врска со овие безбедносни ограничувања, што е особено важно со оглед на бројот на проблеми што ја спречија компанијата да го понуди Windows 11 24H2 на засегнатите системи. На пример, помина речиси една година откако 24H2 беше јавно објавен, и сè уште има некои проблеми со компатибилноста, од кои последниот конечно беше решен во јули.
Компанијата, исто така, сподели неколку начини на кои корисниците можат да се обидат да го решат проблемот. Водич е достапен во оваа објава на веб-страницата на Microsoft.
