Тенис

Ѓоковиќ му го предаде мечот на Вавринка, публиката го исвирка

2. септември 2019 - 8:38 | МИА/КАЈГАНА
Најдобриот светски тенисер Новак Ѓоковиќ го заврши натпреварот на УС Опен во осминафиналето, откако рано утрово му го предаде мечот на Швајцарецот Стен Вавринка на почетокот од третиот сет, поради повреда на рамото.

Минатогодишниот освојувач на Грен слемот во Њујорк ги загуби првите два сета со 4:6 и 5:7. Во пресрет на третиот, тој побара лекарска интервенција за повреденото рамо. По 1:2 во третиот сет Србинот реши да го предаде мечот.

Повредата го присили Ѓоковиќ да го предаде мечот после еден час и четириесет и девет минути. Откако го предаде мечот, публиката со исвиркување го испрати од „Arthur Ashe“ арената.

Вавринка кој е шампион на турнирот од 2016 година во четвртфиналето ќе игра против Русинот Данил Медведев.

Коментирај