Тенис

Ѓоковиќ за Шарапова: Може да се гордее со својата кариера

26. февруари 2020 - 20:24 | МИА

Лидерот на АТП ранг-листата, Новак Ѓоковиќ ги прокоментира денешните вести за откажување од тенисот на Марија Шарапова. 32-годишната Русинка попладнево објави дека ја прекинува спортската кариера.

– Таа беше посветена на тенисот како никој друг. Нејзината волја, нејзината способност да ги надмине сите тешкотии што стоеја на нејзиниот пат во изминатите пет до шест години, вклучувајќи повреди и операции, желба да се врати на теренот и да игра на највисоко ниво, беа воодушевувачки. Жално е што поради повредите мораше да стави крај на играњето тенис, но Шарапова имаше неверојатна кариера со која може да се гордее, рече Ѓоковиќ.

Триесет и две-годишната поранешна број 1 на светската ВТА листа се збогува од тенисот со 36 титули во сингл, вклучувајќи пет Грен слем, олимписки сребрен медал од Лондон 2012 и еден трофеј од Фед Купот со Русија во 2008 година.

Коментирај