Студентите во Македонија по вторпат добија можност да го искажат своето чкртачко умеење во рамките на проектот Red Bull Doodle Art. Минатите неколку седмици преку илјада талентирани чкртачи од сите краеви на Македонија ги испратија своите трудови кои сега се достапни во онлајн галеријата и го посакуваат твојот глас.
Откако во 2014 година овој проект беше одржан за првпат, Матеј Тодоровски од Скопје ја претставуваше нашата земја на светското финале во Кејптаун (Јужна Африка), а оваа година победникот ќе ја има таа чест неговиот труд да оживее во 3Д виртуелната реалност на глобалното финале коешто ќе се одржи во текот на летото.
Гласањето за најдобра чкртаница е веќе во тек и трае до недела. Во оваа фаза публиката ги избира трудовите по пат на гласање на сајтот www.redbulldoodleart.com, по што десет трудови со најголем број на бодови ќе бидат изложени во Скопје на 28 април, кога стручното жири ќе го одбере победникот што ќе ја претставува Македонија на светското финале.
Фотографии: Александра Костадиновска, Елена Фиданска
