Со одржување на главната вечер на Таксират вечерва официјално ќе биде затворено годинашното, 24. издание на музичкиот фестивал со осумчасовна концертна прослава и 12 музички изведувачи кои ќе настапат на две бини во арената „Борис Трајковски“.
Организаторот во понеделникот го објави и распоредот на програмата по кој учесниците вечер ќе излаегуваат на сцената:
Први на главната бина и задолжени за официјалното отворање на ова фестивалско финале ќе настапи групата „Зад аголот“. Покрај нив, и тоа за прв пат во земјава ќе настапи британската трап-џез сензација „IAMDDB“ и групата треш метал бендот „Sodom“ од Гелзенкирхен, Германија.
Френетичната атмосфера годинава со енергичните каталонци „La Pegatina“, како и инди-поп тандем во регионов „Buč Kesidi“ кои доаѓаат од Србија.
Полноќниот дел од програмата е резервирана за артистите од електронската музичка сцена и тоа најпрво настапот на DJ Flooder. Сетот за затворањето на целиот фестивал е резервиран за германскиот техно великан Ben Klock.
На втората, „Трапсират“ бината, паралелно ќе се одвива програмата со најзвучните претставници од домашната и регионалната трап сцена, а во листата на изведувачи се запишуваат Hiljson Mandela, Ba$ha, Young Dadi, Donplaya и Prince$$ Donatsu.
