Полската тенисерка Ига Швјонтек доби дополнително обезбедување откако гледач на Мајами опен вербално ја малтретираше петкратната победничка на турнирот за време на тренингот минатиот викенд, објави BBC.
Мажот извикувал лични навреди за семејството на Швјонтек, а претходно ѝ испраќал навредливи пораки преку социјалните мрежи.
BBC објави дека тимот на светскиот рекет број два го пријавил инцидентот и дека организаторите на турнирот и ВТА спровеле дополнителни безбедносни мерки околу Полјачката, која денеска се соочи со филипинската тенисерка Александра Еала во четвртфиналето.
„Безбедноста е врвен приоритет. Ја следиме мрежата за да ги откриеме ваквите проблеми“, изјави портпаролот на полската тенисерка.
„Конструктивната критика е една работа, но заканите, говорот на омраза или дури и нарушувањето за време на тренинге друго - тоа не може да се прости.“
Инцидентот во Мајами се случи нешто повеќе од еден месец откако еден гледач беше отстранет од турнирот во Дубаи, откако ја вознемири шампионката на УС Опен од 2021 година, Ема Радукана.
