Новиот хорор филм „Terrifier 2“ предизвика гледачите да повраќаат и паѓаат во несвест поради интензивните сцени со крв. Дури и продуцентот на филмот предупреди дека филмот не е за оние со слаб желудник.
Филмот „Terrifier 2“ премиерно се прикажува во киносалите низ САД, а веќе доби пофални критики и оцена од 91% на Rotten Tomatoes.
Дејството во филмот се одвива околу кловн кој прогонува тинејџери во Ноќта на вештерките. И покрај сцените со насилство и ужас, филмот доби одлични критики, а според некои е „најдобриот хорор филм на годината“.
Се наведува дека некои делови се толку крвави и насилни што гледачите паднале во несвест, па била повикана и брза помош.
Меѓу рецензиите се наведува дека „Terrifier 2“ подразбира „крвав хаос“ и карактеризиран е како „веројатно најкрвавиот, најлудиот, најбруталниот хорор филм што ќе го видите годинава“.
Важи за голем хит меѓу љубителите на хорор филмови, иако на многумина не им се допадна толку многу.
Еден од гледачите го сподели искуството на Twitter, предупредувајќи дека некој зад него во киното се онесвестил, а други излегувале и повраќале.
Филмот е толку брутален што и еден од продуцентите, Стив Бартон, на Twitter објави предупредување на потенцијалните гледачи, дека филмот не е за оние со слабо срце, склони кон вртоглавици или со слаб желудник.