НАСА денеска ќе го лансира роверот од новата генерација Perseverance на Марс, а лансирањето може да го следите во живо.
Лансирањето ќе биде од Кејп Канаверл на Флорида во седум часот и 50 минути по локално време, а роверот на Марс треба да пристигне во февруари следната година. Мисијата чини 2,4 милијарди долари.
НАСА вчера објави трејлер за претстојното лансирање, а во видеото е сумирана целата мисија.
Роботот со големина на мал автомобил ќе бара знаци на живот и можно постоење на микроби на Марс – сега или во минатото.
Претходните американски ровер-мисии покажаа дека животот на Марс е можен, т.е. дека постојат поволни услови за живот (јаглерод, вода и поволна клима).
Лансирањето кое почнува во 13 часот може да го гледате тука:
